Qazaqstan jyl saıyn tutyný taýarlarynyń ımportyna $21 mlrd jumsaıdy

ASTANA. QazAqparat – Qazaqstan jyl saıyn tutyný taýarlarynyń ımportyna 21 mlrd dollar jumsaıdy. Májilistegi Úkimet saǵatynan keıin BAQ ókilderiniń saýalyna jaýap bergen Saýda jáne ıntegratsııa birinshi vıtse-mınıstri Arman Shaqqalıev osyndaı derek keltirdi, dep habarlaıdy QazAqparat tilshisi.

«Shaǵym bolsa, tekserý mindetti túrde bolady. Sondyqtan barzarlarǵa baryp, tekserýmen mazasyn alyp, qorqytý degen mindet aldymyzda turǵan joq. Aldymyzdaǵy mindet kóp jylǵa baǵyttalǵan. Naryq tolyq «qarýlanyp» bolǵansha jańǵyrtý júrgizýge 10 jyl ýaqyt berilgen», - dedi birinshi vıtse-mınıstr.

Sondaı-aq, ol bazarlarǵa qoıylatyn talap týraly aıtty.

«Halyq bazarǵa barǵanda batpaqty kóshege tap bolmaýy kerek. Jabyq ǵımarat bolǵany kerek. Oǵan qosa tutynýshylar shekti ústeme baǵa týraly zańnamaǵa sáıkes baǵada taýar satyp alýy kerek. Áleýmettik mańyzy bar taýarlardyń shekti ústeme baǵasy – 15%. Bizde túrli derekter bar. Sarapshylardyń baǵalaýynsha, tutyný taýarlaryna jyl saıyn 21 mlrd dollar jumsalady», - dedi Arman Shaqqalıev.