Qazaqstan jyl saıyn óz azamattaryn shetelde emdeý úshin 500 mln.-nan astam teńge bólýde

ASTANA. 24 mamyr. QazAqparat - Qazaqstan jyl saıyn óz azamattaryn shetelde emdeý úshin 500 mıllıonnan astam teńge bólýde. Bul týraly búgin elordada VI Astana ekonomıkalyq forýmy aıasynda ótken «Ulttyq saıasat. Densaýlyq saqtaýdy áleýmettik jańǵyrtý» sessııasynda QR Densaýlyq saqtaý vıtse-mınıstri Erik Baıjúnisov aıtty.

Onyń atap ótýinshe, sheteldik emhanalardy emdeýdi qajet etetin aýrý túrleri kúrt qysqarǵan. «Erterekte bizder ol jaqqa 20-dan astam aýrý túrleri boıynsha naýqastar jiberetin edik. Qazirgi tańda 8 aýrý túrine shaldyqqandardy ǵana jiberemiz. Olar: jilik maıyn aýystyrý, aqqan aýrýynan emdeý, tamaq jáne keńirdek aýrýlary jáne plastıkalyq ota. Sondyqtan da soma ulǵaıǵan joq, al aýrýlar sany kerisinshe ósti», - dedi ol.

E.Baıjúnisovtiń aıtýynsha, qazirgi ýaqytta Qazaqstan Ońtústik Koreıa, Avstrııa jáne Reseıdiń emhanalarymen tyǵyz yntymaqtastyqta jumys isteýde.