Qazaqstan jurtshylyǵy Otbasy kúnin atap ótýde
ASTANA. QazAqparat - Búgin, 7 qyrkúıek - Otbasy kúni. Byltyr QR Prezıdenti Nursultan Nazarbaev «Qazaqstan Respýblıkasyndaǵy kásiptik jáne ózge de merekeler» týraly Jarlyqqa ózgeris engizip, qyrkúıektiń ekinshi jeksenbisi otbasy kúni merekesi bolyp belgilengen bolatyn.
Otbasy - adamzat balasynyń baǵa jetpes qasıetti qundylyǵy. Urpaqqa beriletin tárbıeniń eń negizgi tini ot basy, oshaq qasynda qalyptasady. «Tárbıe - tabaldyryqtan bastalady» deıdi babalarymyz. «Otbasy - kishkentaı memleket» dep jatady úlkender. Sondyqtan da otbasy talaıdy qanattandyrǵan kıeli shańyraq.
Sol sebepti de elimizde otbasy merekesi kúni belgilenýiniń ózindik mańyzy bar. Elimizdiń túkpir-túkpirinde otbasy qundylyqtaryn pash etýge arnalǵan túrli sharalar uıymdastyrylyp, jergilikti atqarýshy organdar tarapynan úlgili otbasylarǵa syı-qurmet kórsetilýde.
