Qazaqstan jurtshylyǵy Ábish Kekilbaıulymen qoshtasýda (FOTO)
ASTANA. QazAqparat - Qazaq halqy QR Eńbek Eri, Qazaqstannyń halyq jazýshysy, memleket jáne qoǵam qaıratkeri Ábish Kekilbaıulymen qoshtasýda.
Kemeńger tulǵa, iri qoǵam qaıratkeri, asa daryndy jazýshy, erekshe daryn ıesi ekendigin barshaǵa moıyndata bilgen Ábish Kekilbaevty aqtyq saparǵa shyǵaryp salýǵa Senat Tóraǵasy Qasym-Jomart Toqaev, Májilis Tóraǵasy Qabıbolla Jaqypov, QR Melekettik hatshysy Gúlshara Ábdiqalyqova, QR Qorǵanys mınıstri Imanǵalı Tasmaǵambetov, QR Syrtqy ister mınıstri Erlan Ydyrysov, UQK tóraǵasy Nurtaı Ábiqaev, QR Parlamentiniń depýtattary, oblys ákimderi, elimizdiń kórnekti mádenıet jáne óner qaıratkerleri, jazýshylar, aqyndar jáne elorda jurtshylyǵy keldi.
«QR Eńbek Eri, Qazaq ádebıetiniń Abyzy, Elbasymen birge Táýelsiz memlekettiń berik irgesin qalaýǵa aıanbaı atsalysqan kórnekti memleket jáne qoǵam qaıratkeri Ábish Kekilbaıulyn sońǵy saparǵa shyǵaryp salýǵa jınalyp otyrmyz. Bul Qazaqstan jurshylyǵynyń qabyrǵasyn qaıystyrǵan orny tolmas qaza. Ábish Kekilbaıuly qazaq rýhanııatynyń ósip, órkendeýine ólsheýsiz úles qosty. Qazaq ádebıetin Ábish Kekilbaevsyz elestetý múmkin emes»,-dedi Qasym Jomart Toqaev «Kórme» kesheninde Á. Kekilbaıulyn aqtyq saparǵa shyǵaryp salý sharasynda.
Ulty úshin Abyz - Ábish máńgi qazaqtyń júreginde, elimiz máńgi jasasa, qazaqtyń kemeńger tulǵasy da máńgi jasaıdy.
Ábish Kekilbaıuly 1939 jyly 6 jeltoqsan kúni Mańǵystaý oblysy,Mańǵystaý aýdany (burynǵy Gýrev oblysy), Ońdy aýylynyń Myrzaıyr degen jerinde týǵan.
