Qazaqstan Jýrnalıstıka akademııasynyń akademıgi Aıaǵan Sandybaıdyń shyǵarmashylyq keshi ótti

dep habarlaıdy QazAqparat.

Bul shara Aıaǵan Ótenulynyń 60 jasqa tolý mereıtoıyna oraı ótken bolatyn. Aıaǵan Sandybaı Qazaq memlekettik ýnıversıtetiniń jýrnalıstıka fakýltetin bitirgen. Qazaq aqparat agenttiginde 10 jylǵa jýyq jemisti eńbek etip, jýrnalıstik sheberligin shyńdaǵan.

Keıin elimizdiń BAQ salasyn damytýda jaýapty qyzmetter atqardy. Atap aıtqanda, "Qazaqstan" teleradıo korporatsııasynyń birinshi vıtse-prezıdenti, Baspa jáne buqaralyq aqparat mınıs­triniń orynbasary qyzmetterin abyroımen atqaryp, uıymdastyrýshylyq qabiletimen tanyldy. Qazaqstan Respýblıkasy Prezıdenti Ákimshiliginiń sektor meńgerýshisi boldy.

Músheltoı ıesi búginde QR Bilim jáne ǵylym mınıstrliginde jaýapty qyzmette. 2004 jyly "Chem poradovat serd­­tse..." ("Júrekti qaıtip jubatam") degen orys tilindegi kitaby jaryq kórdi.

Shyǵarmashylyq keshte Bishkekten arnaıy kelgen qyrǵyzdyń daryndy aqyny, Qazaqstan men Qyrǵyzstannyń eńbek sińirgen mádenıet qaıratkeri Aqbar Rysqulov quttyqtaý sóz sóılep, óz óleńin oqydy. Jazýshy Sábıt Dosanov jáne basqa qalamgerler quttyqtady.