Qazaqstan jýrnalısterinen aqsha bopsalaǵan tájik mılıtsıonerleri jumystan ketti
ASTANA. QazAqparat - Qazaqstan jýrnalısterinen aqsha bopsalaǵan jáne sosyn feısbýktegi atyshýly posttyń «batyrlary» bolǵan tájik mılıtsııa qyzmetkerleri jumystan bosatyldy.
Jumystan shyǵarylǵan mılıtsıonerler qyzmet etken bólimshe basshysyna sógis jarııalandy.
«ІІM basshylyǵy eskertkishter, qalanyń kórikti jerleri, týrıstik aımaqtarda qyzmet etetin barlyq basqa da mılıtsııa qyzmetkerleriniń týrıstermen jumysyn tekserýdi tapsyrdy», - dep habarlady ІІM baspasóz hatshysy Ýmardjon Emomalı.
Ótken apta sońynda Dýshanbege saparynan keıin Feısbýkke jazǵan qazaqstandyq jýrnalıst Baqytjan Buqarbaıdyń posty shýly oqıǵaǵa aınaldy. Jýrnalıst kezekti ret bizdiń astananyń oǵash kelbetin kórsetti. Bul oqıǵa Ismoıl Somonıdiń eskertkishiniń mańynda oryn aldy.
«... Ismoıl Somonı monýmenti ornalasqan alańda adam bolmady. Biz satymen joǵary kóterildik, sol kezde jerge matrats tósep, ashyq aspan astynda qalǵyp-múlgip otyrǵan mılıtsıonerlerdiń ústinen tústik. Olar beseý boldy. Aıaqtary jalań aıaq. Bizdi, qazaq týrısterin kórdi de, oryndarynan turyp, shulyqsyz týflılerin kıip aldy. Olar bir-birlerine qarap, jasandy jymyńdap, bizdi qarsy aldy, biraq peıilderinde esh jylylyq baıqalmady. Bizdiń joǵary kóterilýimizdi surap, sýburqaq, kitaphana jaqty kórsetti, bizdiń qalaýymyzdan tys bir-eki túsirilim jasady. Tájik mılıtsııa qyzmetkerleri tym mazań eken», - dep jazdy Baqytjan Buqarbaı.
«Óz telefonymdy alyp qoıǵan edim, bireýi maǵan qaraı jaqyndap keledi. Men telefonymdaǵy túsirilimderdi qarap turdym, bir keleńsiz jaıttyń oryn alatyny sezilip turdy...»
«Búgin meniń týǵan kúnim», - dep bastady sózin mılıtsıoner.
«Quttyqtaımyn» - dedim men.
Biraz únsizdik ornady.
«Joq, búgin meniń týǵan kúnim deımin», - dedi ol.
Búgin men ekskýrsııa jetekshisi bolamyn, ol úshin aqy tóleý kerek.
«Aqsha joq», - dedim men qaýmalap ketetin syǵan qaıyrshylaryna jaýap bergendeı.
«Sarańsyń ba, ne?» - dedi tártip saqshysy.
«Aqsha joq», - dedik Nurgeldi ekeýmiz qosarlana sóılep.
«Somonı bar ma?»
«Joq!»
«Onda teńge ber!»
«Teńge de joq».
«Onda ketińder bul jerden», - tájik tártip saqshysy bizdi alańnan qýa bastady. Aman-esen qutylǵanymyzǵa shúkir dedik.
Mundaıdy esh ýaqytta kórmeppiz. Olarǵa mýndırdiń namysy týraly eshkim kópten beri aıtpaǵan syńaıly.
