Qazaqstan jýrnalısteri arasynda baıqaý jarııalandy
ALMATY. Qarashanyń 10-y. QazAqparat /Názıra Eleýhan/ - Orta Azııanyń Eýrazııa Qory (OAEQ) qarasha aıynyń 6-synan bastap 2010 jyldyń 20 qańtaryna deıin korporotıvti áleýmettik jaýapkershilik (KÁJ) máselelerin baıandaıtyn qazaqstandyq jýrnalıster arasynda eń úzdik materıaldarǵa baıqaý jarııalady,
dep habarlaıdy QazAqparat.
Orta Azııanyń Eýrazııa Qorynyń jetekshi mamany Aıgúl Taǵatovanyń aıtýynsha, baıqaýǵa qatysý úshin suranym túrin toltyryp jáne KÁJ máselesi boıynsha shyqqan materıal kóshirmesin (gazetten kesindi, veb-saıttan siltemesi bar mátin, vıdeo- nemese aýdıomaterıaldary bar elektrondyq jınaýshy) jiberý kerek. Materıaldar qazaq jáne orys tilderinde qabyldanady.
«Baıqaýdyń sheshimin jýrnalıstıka men KÁJ salasyndaǵy mamandar kiretin eksperttik komıssııa qabyldaıdy. Materıaldar kelesi krıterııler boıynsha baǵalanady: Jazý úshin ár túrli aqparat kózderdi qoldaný - 20%; Analıtıkalyq ádisteme men statıstıkany koldaný - 20%; Oqıǵanyń aımaq úshin mańyzdylyǵy - 20%; Avtordyń KÁJ týraly túsinigi - 20%; Materıaldy usyný sapasy (rásimdeý men berý) - 20%. Úsh jeńimpaz Máskeýge oqytý saparyna qatysady, olar óz jumysynda KÁJ prıntsıpterin qoldanatyn, BAQ jáne bıznes kompanııalarmen, kommertsııalyq emes uıymdarmen kezdesedi. Baıqaý nátıjeleri 2010 jyldyń aqpan aıynyń 12-si kúni jarııalanady jáne OAEQ-nyń (www.efcentralasia.org) saıtynda, «Baıqaýlar» bóliminde ornalastyrylady», dedi Aıgúl Taǵatova.
Baıqaýǵa KÁJ boıynsha qazaqstandyq BAQ-da 2009 jyldyń qańtar men jeltoqsan aılary aralyǵynda sıýjet, reportaj, maqalalaryn jáne basqa da materıaldaryn jarııalaǵan, Qazaqstannnyń baspa jáne elektrondyq BAQ ókilderi, qazaqstandyq JOO-nyń jýrnalıstıka fakýltetiniń stýdentteri, jýrnalıster birlestikteri men klýb músheleri, trener-keńesshiler shaqyrylady.
