Qazaqstan júrgizýshi kýáligimen BAÁ-de kólik júrgizý úshin qandaı qujattar kerek

Qujatqa 2026 jylǵy 25 maýsymda Abý-Dabı qalasynda eki eldiń Іshki ister mınıstrlikteri arasynda qol qoıyldy. Memorandým 25 shildeden bastap kúshine enedi.

– Memorandýmnyń negizgi maqsaty – Qazaqstan men Birikken Arab Ámirlikteri azamattarynyń eki el aýmaǵynda kólik júrgizýin jeńildetý jáne júrgizýshi kýálikterin paıdalaný men aıyrbastaý kezinde artyq rásimderdi azaıtý, – dedi ІІM ákimshilik polıtsııa komıtetiniń erekshe tapsyrmalar jónindegi aǵa ınspektory Aqtoty Boranova.

Qujat eki túrli jaǵdaıdy qamtıdy. Birinshisi – azamattyń basqa elge ýaqytsha barýy. ıAǵnı týrıstik, iskerlik nemese jeke sapar kezinde Qazaqstan men BAÁ bir-biriniń qoldanystaǵy ulttyq júrgizýshi kýálikterin tanıdy.

Osylaısha, Qazaqstan azamaty Birikken Arab Ámirlikterinde jaramdy qazaqstandyq júrgizýshi kýáligimen avtokólik basqara alady.

Ekinshi jaǵdaı – Qazaqstan azamaty BAÁ-ge turaqty nemese uzaq merzimge qonys aýdaryp, turýǵa yqtııarhat alǵan kezde. Mundaı jaǵdaıda júrgizýshi kýáligin emtıhan tapsyrmaı-aq aıyrbastaýǵa múmkindik bar.

– Bul jeńildik tek jeńil avtokólikterge qatysty ekenin eskerý qajet. Al avtobýs, júk kóligi jáne ózge de sanattar qabyldaýshy memlekettiń zańnamasyna sáıkes qaralady, – dep atap ótti vedomstvo ókili.

Júrgizýshi kýáligin aıyrbastaý úshin:

• turýǵa yqtııarhat;

• V nemese V1 sanatyndaǵy ulttyq júrgizýshi kýáligi jáne azamattyń 18 jasqa tolýy;

• júrgizýshi kýáliginiń qabyldaýshy memlekettiń memlekettik tiline resmı aýdarmasy;

• medıtsınalyq tekseristen ótý týraly qujat qajet.

Bul rette ulttyq júrgizýshi kýáligi ıesinde qalady. Quzyrly organdar tek kýáliktiń aıyrbastalǵany týraly bir-birin habardar etedi.

Shetelge shyǵar aldynda baratyn eldiń zańnamasymen, sonyń ishinde jol qozǵalysy erejelerimen aldyn ala tanysý usynylady.

Aıta keteıik, Astana men Máskeý arasynda júrgizýshisiz júk kólikteri qatynaıdy.