Qazaqstan juldyzdary arasynda kimniń uly kórikti?
ASTANA. QazAqparat - Gakku.kz Qazaqstan shoý-bıznesinde kimniń uly kórikti ekenin anyqtap kórdi.
Álı Oqapov - QR Halyq ártisi Roza Rymbaevanyń uly. Tasqyn Oqapovtyń úlken uly Álı ata-analarynyń izin qýyp, shoý-bızneske aralasa bastady. Búgingi kúni ol eń tanymal juldyzdardyń biri bolyp tabylady. Úılenbegen.
Abık Jeksen - Jubanysh Jeksenulynyń uly. Abık T.Júrgenov atyndaǵy óner akademııasynda oqıdy. Ol Nıý-Iorkte birshama ýaqyt turyp, mýzykalyq sheberligin shyńdady. Qazir ol Qazaqstanda jáne Live bendterdiń birinde oınaıdy. Jýyrda ákesimen birge «Joldar» ánine klıp túsirdi.
Dıas Ablaev - QR Halyq ártisi Naǵıma Esqalıevanyń uly. Sahnadaǵy ómiri bastalmas buryn Dıas Astanadaǵy ulttyq kompanııalardyń birinde jumys istedi. Biraq ol bul saladan erteli me, kesh pe ketetinin bilip júrdi. Onyń ómiri «Qazaqstan daýysy» jobasyna qatysqannan keıin kúrt ózgerdi. Jobadan keıin ol budan arǵy eńbek jolyn mýzykamen baılanystyratynyn sheshti. Qazir onyń qorjynynda hıtke aınalǵan birneshe án men klıp bar.
Oljas Espanov - ánshi Nurlan Espanovtyń uly. Oljas názik jandylar arasynda tanymaldylyqqa ıe. 20 jastaǵy jigit árdaıym sándi kıinip júredi. Ol ákesiniń jolyn qýǵysy kelmeı, áskerı qyzmetti tańdady. Juldyzdy áke onyń sheshimine qarsy bolmaǵan sekildi.
Damır Tastembekov - prodıýser Erik Tastembektiń uly. «Damır bir kezderi Nota Bene tobynyń reperi bolǵany esimizde», - dep jazady saıt. Keıin ol Amerıkadaǵy eń úzdik akterlik sheberlik mektepteriniń birine oqýǵa attandy. Onda biraz tájirıbe jınaqtaǵannan keıin elge oralyp, klıpter túsire bastady. Jaqynda Damır otbasyn qurdy.
