Qazaqstan JSN/BSN-ge 2013 jyldyń 1 qańtarynan bastap kóshedi
ASTANA. 28 jeltoqsan. QazAqparat - Jeke sáıkestendirý nómiri men bıznes sáıkestendirý nómirine kóshý 2013 jyldyń 1 qańtarynan bastalady. Bul týraly búgin Úkimettiń selektorlyq rejimdegi otyrysynda QR Qarjy mınıstri Bolat Jámishev málim etti.
Onyń atap ótýinshe, JSN/BSN-ge kóshýge daıyndyq óte joǵary. Salyq komıtetiniń málimetter qory JSN/BSN-ge kóshýge múmkindik beredi. Sonymen qatar Eńbek jáne halyqty áleýmettik qorǵaý mınıstrliginiń aqparattyq málimetter bazasy, bank júıesi de daıyn.
«2012 jyldyń 1 qańtaryna josparlanǵan JSN/BSN-ge kóshý meken-jaılar boıynsha málimetter bazasyn ózektendirýge jáne halyq arasynda túsindirý jumystarynyń jetkiliksiz júrgizilgenine baılanysty sáıkestendirý nómirlerine kóshý 2013 jyldyń 1 qańtarynan bastalatyn bolady», - dedi B.Jámishev.
Onyń aıtýynsha, búgin Parlament Senatynda tıisti zańnamalyq aktiler qabyldanǵan.
