Qazaqstan JOO-nyń 15 basshysy Frantsııada issaparmen bolyp qaıtady - Jak-Lıýk Ito-Pajes
ALMATY. Sáýirdiń 30-y. QazAqparat /Názıra Eleýhan/ - QR Bilim vıtse-mınıstri jáne Joǵary bilim berý departamentiniń dırektory bastaǵan elimizdiń jetekshi 15 JOO-nyń rektorlarynan turatyn delegatsııa maýsym aıynyń 21-i men 23-i aralyǵynda Frantsııa elinde issaparmen bolyp qaıtady.
Bul týraly búgin Almatyǵa issaparmen kelgen Frantsııanyń KampıýsFrans bilim berý baǵdarlamasynyń menedjeri Jak-Lıýk Ito-Pajes myrza málim etti, dep habarlaıdy QazAqparat.
«Sapardyń birinshi kúninde Frantsııa Prezıdenti jáne bizdiń delegatsııanyń qatysýymen konferentsııa ótedi. Ekinshi qazaqstandyq delegatsııa Frantsııa Syrtqy ister mınıstrliginde bolady, onda 88 eldiń KampıýsFrans álemdik júıe ókilderimen kezdesip, birqatar máselelerdi talqylaıdy. Al, úshinshi kúni qonaqtardy Frantsııadaǵy joǵary oqý oryndarymen tanystyrýdy josparlap otyrmyz. Bul kezdesý eki el oqý oryndary arasyndaǵy yntymaqtastyqty odan ári nyǵaıta túsedi degen senimdemin», dedi Jak-Lıýk Ito-Pajes.
