Qazaqstan JOO-larynda jasandy ıntellekt: OpenAI jańa bastama usyndy
NЬıÝ-IORK. KAZINFORM — OpenAI Qazaqstannyń joǵary bilim berý naryǵyna kirip jatyr. Bul mańyzdy jańalyqty OpenAI kompanııasynyń Bilim jáne memlekettik baǵdarlamalar jónindegi jetekshisi Kevın Mılls jarııa etti, dep habarlaıdy Silk Way.
Onyń sózinshe, kompanııa Qazaqstanda jasandy ıntellekt tehnologııalaryn engizýdi josparlap otyr. ChatGPT stýdentter men oqytýshylar úshin jeke tálimger ári oqytý kómekshisi retinde qyzmet atqarady.
Mılls Qazaqstan Prezıdentiniń tóraǵalyǵymen ótken dóńgelek ústel otyrysyna qatysty. Bul jıynǵa amerıkalyq iri kompanııalardyń basshylary — ıaǵnı «ónerkásip alyptary» jınaldy.
Іs-shara barysynda Mılls ChatGPT júıesin eldegi joǵary oqý oryndaryna engizý ıdeıasyn usyndy. Prezıdent bul bastamany oń qabyldap, OpenAI kompanııasy Qazaqstan bıligimen dıalogty jalǵastyrýǵa nıetti ekenin bildirdi.
Budan buryn habarlanǵandaı, Qasym-Jomart Toqaev pen Meta kompanııasynyń vıtse-prezıdenti, jasandy ıntellektini zertteý bóliminiń (FAIR) bas ǵylymı jetekshisi ıAnn Lekýn ınnovatsııalyq tehnologııalardy damytý jáne qoldaný jóninde pikir almasty.