Qazaqstan JOO-lary álemdik reıtıngterde neshinshi orynda tur

ASTANA. KAZINFORM – Ǵylym jáne joǵary bilim mınıstri Saıasat Nurbek Májilistegi baspasóz máslıhatynda Qazaqstan joǵary oqý oryndary álemdik reıtıngterde neshinshi bolyp turǵanyn aıtty.

- Bizdiń joǵary oqý oryndarymyz eki halyqaralyq reıtıngke qatysady - Times Higher Education jáne QS. QS-te qazirgi tańda 29 ýnıversıtetimiz bar. Onyń ishinde top-500-ge jáne top-1000-ǵa kiretin 6 ýnıversıtetimiz bar. Onyń ishinde top-200-ge kiretin ál Farabı atyndaǵy ulttyq ýnıversıtetimiz bar. Dúnıejúzinde 63-orynda tur. Azııa reıtıngine 30-dan astam ýnıversıtetimiz kiredi. Top-50 men top-100-ge 6 ýnıversıtetimiz kirip otyr, jaman emes, - dedi ol.

Saıasat Nurbek Nazarbaev ýnıversıteti bıyl halyqaralyq reıtıngtegi kórsetkishin jaqsartý múmkin ekenin aıtady.

- Times Higher Education-ge de 6 ýnıversıtet kiredi. Onyń ishinde byltyr Nazarbaev ýnıversıtet top-300-ge kirdi. Top-200-ge Nazarbaev ýnıversıtettiń bilim berý mektebi kirdi. Eki kúnnen keıin Times Higher Education-niń 2025 jylǵy reıtıngi jarııalanady. Sony kútip otyrmyz. Boljamymyz boıynsha Nazarbaev ýnıversıtet bıylǵy reıtıngte top-200-ge kiredi, - dedi mınıstr.

Aıta keteıik, búgin Májilis endaýment qor týraly zań jobasyn maquldady.