Qazaqstan jóneltken 10 vagon gýmanıtarlyq júk Serbııaǵa jetkizildi

ASTANA. QazAqparat - Ótken jazda Serbııa Respýblıkasynda (SR) oryn alǵan apatty sý tasqynyna baılanysty atalǵan eldiń kómek kórsetýge resmı suraýyna oraı, Qazaqstan Úkimeti tabıǵı kataklızm zardabynyń saldaryn qaıta qalpyna keltirý maqsatynda shuǵyl gýmanıtarlyq kómek jiberýge sheshim qabyldady.

Bul týraly syrtqy saıası vedomostvonyń baspasóz qyzmetinen habarlady.

Ótken aptada QR Vengrııa jáne Serbııadaǵy Elshiligi SR SІM, Іshki ister mınıstrliginiń tótenshe jaǵdaılar qyzmeti jáne Serbııanyń qyzyl krest uıymymen birlese gýmanıtarlyq júktiń tapsyrý sharalaryn ótkizdi. Resmı is-shara barysynda atalǵan memlekettik organdardyń basshylarymen qatar Qazaqstan-Serb parlamentaralyq dostyq tobynyń múshelerii qatysty.

Apatqa ushyraǵan aımaqtardyń muqtajdyqtaryna 42 dana sýǵa arnalǵan qoıma, 1 myń tósek, 170 shatyr, 2,5 myń tósek-oryn jabdyq jıyntyǵy, 340 sháınek - barlyǵyn qosqanda 10 vagon gýmanıtarlyq júk Qazaqstannan Serbııaǵa temirjol arqyly jetkizildi.

SR SІM Memlekettik hatshysynyń orynbasary Goran Petrovıch Serbııa Úkimeti atynan elimizdiń basshylyǵyna jáne Qazaqstan halqyna ýaqytyly kórsetilgen kolǵabysy úshin alǵysyn bildirdi.