Qazaqstan jolserikterine poıyzdarda saýda jasaýyna ruqsat berilmek
ASTANA. QazAqparat - Qazaqstandaǵy poıyzdarda qosymsha servıs engizilip, onda baqylaýsyz saýdaǵa tosqaýyl qoıylady. Bul týraly búgin Astanada temirjol kóligin damytýǵa arnalǵan keńeste «Jolaýshylar tasymaly» AQ-nyń Strategııalyq damý jáne jańa tehnologııalar jónindegi atqarýshy dırektory Asylhan Qaldykózov málim etti.
Onyń sózine qaraǵanda, personaldy yntalandyrý úshin jáne kiristiń jańa kózderin tabý turǵysynda poıyzdarda qosymsha qyzmetterdi uıymdastyrý máselesi qaralyp jatyr.
«Bul sharalar jolserikterdiń paıda tabýyn yntalandyrý úshin, ekinshiden, poıyzdarda tolyqtaı stıhııalyq saýdany joıý baǵytynda jasalmaq. Atap aıtqanda sapaly sýsyndar men basqa da qajetti zattardy jolserikter ózderi saýdalap, osydan syıaqy alady», - dedi A. Qaldykózov.
Osy oraıda ol bul qanatqaqty joba elorda mańyndaǵy poıyzdarda bıyl engiziletinin atap ótti.
«Eger de jaqsy nátıje bolsa, bul bastama ózge óńirlerge taralady», - dedi A. Qaldykózov.
Budan bólek ol 2015 jyly «Tulpar Talgonyń» 240 jolserigi aǵylshyn tilin jetildirý kýrstarynan ótkenin jetkizdi.
