Qazaqstan joldarynyń boıynda kópfýnktsıonaldy 35 keshen boı kóteredi
Búgin QR Indýstrııa jáne ınfraqurylymdyq damý mınıstrliginde «QazAvtoJol» UK» AQ men «Compass» JQS jelileri kompanııasy arasynda Jol boıyndaǵy qyzmetti damytý salasyndaǵy yntymaqtastyq jáne ózara is-qımyl týraly kelisimshartqa qol qoıyldy. Bul – QR Prezıdenti Qasym-Jomart Toqaevtyń respýblıkalyq mańyzy bar joldardy 2025 jylǵa deıin sapaly qyzmetpen qamtamasyz etý jónindegi tapsyrmasyn oryndaý maqsatynda júzege asyrylýda.
«Qujat respýblıkalyq mańyzy bar avtomobıl joldarynyń boıynda qyzmet kórsetetin zamanaýı 35 keshenniń qurylysyn qarastyrady. Keshen janarmaı quıý stantsııasy, aýyr júkti tasyǵysh kólikter men avtobýstarǵa arnalǵan keń parkıng alańy, 80 orynǵa laıyqtalǵan fýd-kort, taýarlar men avtobuıymdardyń keń assortımenti usynylǵan Express Market-pen jabdyqtalatyn bolady. Joba 4200 adamdy turaqty jumys ornymen qamtymaq. Investıtsııalardyń jalpy mólsheri 30 mlrd teńgeni quraıdy.
Álemdik úzdik tájirıbeni qoldana otyryp, qazaqstandyq «Compas» brendi kópfýnktsıonaldy qyzmet salasynda joǵary nátıjelerge qol jetkizip, Nur-Sultan, Almaty, Aqtóbe jáne Qyzylorda qalalarynda 11 keshendi turǵyzdy.
Mınıstrlik pen ulttyq operator óz tarapynan jol boıynda qyzmet kórsetetin atalmysh nysandardyń qurylysyn júrgizýde, olardyń alańdaryna odan ári qyzmet kórsetýde qoldaý tanytýǵa daıyn», - delingen mınıstrlik aqparatynda.
Kelisimshartqa qol qoıý sharasyna mınıstr Beıbit Atamqulov qatysty.
