Qazaqstan joldaryndaǵy apattar sany jyl basynan beri 5%-ǵa azaıdy
ASTANA. QazAqparat - Elimizdiń joldaryndaǵy apat sanyn tómendetý úshin 2014 jyly «Jol qozǵalysy týraly» Zań qabyldandy, dep jazady primeminister.kz.
«Jol qozǵalysy týraly» QR Zańyn júzege asyrý jol qozǵalysy salasyna tartylǵan barlyq sýbektiler arasynda jaýapkershilik aımaǵyn naqty bólýge, sondaı-aq jol qaýipsizdigin qamtamasyz etýge baǵyttalǵan qyzmetke talapty kúsheıtýge múmkindik berdi.
«Jol qozǵalysyn baqylaý jáne qadaǵalaý aıtarlyqtaı kúsheıtildi. «Qaýipsiz jol», «Avtobýs», «Nazar aýdaryńyzdar, balalar!» jáne basqa da ótkizilip jatqan aýqymdy aldyn alý is-sharalary nátıjesinde Jol qozǵalysy erejelerin buzýdy anyqtaý 0,5%-ǵa (1 mln 687 myńǵa deıin) artty», - dep málimdedi QR ІІM baspasóz qyzmeti.
Qoldanylǵan sharalardyń nátıjesinde, mınıstrliktiń málimetinshe, sońǵy 3 jyl boıy, elimizde avtokólik quraldarynyń artýyna qaramastan (+8%, 4,5 mln deıin) apattylyq kórsetkishteriniń tómendeýiniń turaqty úderisi baıqalýda.
