Qazaqstan joldarynda kisi ólimimen aıaqtalatyn jol apattary sıreı bastady
ASTANA. QazAqparat - Qazaqstan joldarynda kisi ólimimen aıaqtalatyn jol-kólik apattarynyń sany 2017 jyly birshama azaıdy, dep habarlaıdy QazAqparat - «QazAvtoJol» AQ-na silteme jasaı otyryp.
«Sońǵy ýaqytta respýblıkalyq mańyzdaǵy avtojoldarda bolatyn jol-kólik apattary men onyń barysynda bolatyn kisi ólimine qatysty jaǵdaı ońala tústi. Osylaısha, respýblıkalyq mańyzdaǵy avtojoldardaǵy jol-kólik oqıǵalaryna júrgizilgen taldaý 2017 jyly kólikpen baılanysty oqıǵalary sany 2016 jylmen salystyrǵanda 2 protsentke azaıǵandyǵyn kórsetti. Al jol apattary barysynda kóz jumǵandar sany 14 protsentke, jaraqat alǵandar 1 protsentke kemigen»,-delingen vedomstvonyń habarlaamsynda.
«Jaǵdaıdy ońaltý úshin dybys jáne jol begilerin, jasandy kedergilerdi ornatý men eskilerin jańasymen almastyrý, jolústi júrginshiler jolyn ornatý sııaqty sharalar júzege asyrylýda»,-dep túsindirdi, kompanııa ókilderi.
Bul rette respýblıkalyq mańyzdaǵy joldarda kólik quraldarynyń jıiligi 4 protsentke óskendigin aıta ketý kerek.
