Qazaqstan joldarynda 20-dan astam temperatýra men ylǵal mólsherin ólsheıtin qurylǵy ornatylady

NUR-SULTAN. QazAqparat - Qazaqstan jol ǵylymı-zertteý ınstıtýtynyń jáne QR Indýstrııa jáne ınfraqurylymdyq damý mınıstrligi Avtomobıl joldary komıteti Jol aktıvteriniń ulttyq sapa ortalyǵynyń mamandary jol qurylymy men topyraq negiziniń temperatýrasy jáne ylǵaldylyǵyn baqylaý boıynsha jobany júzege asyrýdy jalǵastyrýda.

Bıyl el joldarynda 22 datchık ornatylady dep josparlanyp otyr, dep habarlaıdy QazAqparat QR Indýstrrııa jáne ınfraqurylymdyq damý mınıstrliginiń Telegram kanalyna silteme jasap.

Byltyr Qazaqstan joldarynda, atap aıtqanda, «Shý aınalma joly», «Omby-Maıqapshaǵaı» jáne «Aqtóbe-Atyraý» avtomobıl joldarynyń ýchaskelerinde alǵash ret temperatýra men ylǵaldylyqty baqylaý júıesi ornatylǵan bolatyn.

2021 jyly Qazaqstannyń birqatar óńirinde temperatýra men ylǵaldylyq datchıkteriniń 22 jıyntyǵyn ornatý josparlanýda. Osylaısha, ólsheý keshenderi Qazaly, Aqtaý, Oral, Petropavl, Balqash, Taraz, Aqtóbe, Qostanaı, Pavlodar, Úsharal, Jezqazǵan, Qordaı jáne Kúıik ótkelderi, Zaısan, Taldyqorǵan jáne Óskemen, Nur-Sultan, Almaty jáne Túrkistan, Atyraý mańynda ornatylmaq.

Datchıkter jol qurylymdarynyń sý-jylý rejımi parametrlerin avtomattandyrylǵan jınaqtaýdy júzege asyrady. Sodan keıin alynǵan málimetter baqylaý ortalyǵyna beriledi. Zertteýler ǵalymdarǵa eldiń ártúrli aımaqtarynda klımat pen júktemeni eskere otyryp salý, qaıta qurý jáne jóndeý tehnologııasyn túzetýge múmkindik beredi. Al bul óz kezeginde qarjylyq shyǵyndardy aıtarlyqtaı tómendetedi.