Qazaqstan joldaryn salý barysynda «jyly asfalt» qoldanylady - «Qazjol» ınstıtýty

ASTANA. 27 qarasha. QazAqparat - Aldaǵy ýaqytta jol qurylysy salasynda «jyly asfalt» qoldanylatyn bolady.

Bul týraly búgin «QazAvtoJol - 2013» atty X halyqaralyq kórmesi aıasynda jýrnalısterge suhbat bergen «Qazjol» ǵylymı-zertteý ınstıtýtynyń prezıdenti Baǵdat Teltaev málim etti.

Onyń habarlaýynsha, aldaǵy jol qurylysy kezeńinde birqatar jańa tehnologııalardy qolǵa alý josparlanyp otyr. «Atap aıtqanda, asfalt betonynyń jańa túri qoldanylady. Ony «jyly asfalt betony» dep ataıdy. Sonyń arqasynda qajetti materıaldar 5-6 paıyzǵa únemdeledi. Sebebi, ondaı asfalt betonyn daıarlaý temperatýrasy 20-30 paıyzǵa tómen. Sonyń arqasynda energııa resýrstary da 25 paıyzǵa únemdeledi», - deıdi B.Teltaev.