Qazaqstan joldarynda kóligin zaqymdaǵandar sotqa jeti talap-aryz túsirgen
ASTANA. KAZINFORM — «Qazavtojol» UK» AQ basqarma tóraǵasy Darhan Imanashev eldegi joldarda kóligin zaqymdaǵan júrgizýshiler sotqa talap-aryzdaryn joldaǵanyn aıtty.
— Búginde «QazAvtoJolǵa» qatysty jetige jýyq talap-aryz túsirgen. Onda júrgizýshiler kólik bólshekteriniń zaqymdanýy nemese dóńgelegi jyrylǵany boıynsha sotqa shaǵym túsirgen. Sot sheshimimen bizge belgili bir talaptar qoıylsa, tıisti shyǵyndy óteıtin bolamyz, — dedi Darhan Imanashev Ortalyq kommýnıkatsııalar qyzmetindegi baspasóz máslıhatynda.
Degenmen ol joldardyń nasharlyǵyna baılanysty resmı túrde eshqandaı jol-kólik oqıǵasy tirkelmegenin habarlady.
— Osyǵan deıin jol jaǵdaıynyń nasharlyǵyna baılanysty jol-kólik oqıǵalary tirkelgen joq. Jol-kólik oqıǵasynan keıin tıisti hattama toltyrylady, onda apattyń sebepterin kórsetý qajet. Adam qaza bolǵan apattardyń basym kópshiligi qatar kele jatqan nemese qarsy kelip soqtyǵysqan avtokólikterdiń saldarynan bolǵan. Bul jol-kólik oqıǵalary boıynsha toltyrylǵan hattamalarda jol tóseminiń jaı-kúıiniń saldary kórsetilmegen, — dedi kompanııa basshysy.
Buǵan deıin habarlanǵandaı, elde sý tasqyny qaýpi bar jol ýchaskeleri azaıdy.
