Qazaqstan joldaryna 2025 jyldyń ózinde 664 myń tonna bıtým tóseldi
ASTANA. KAZINFORM — 2025 jyldyń basynan beri avtojoldardyń qurylysyna 664,3 myń tonnaǵa jýyq bıtým qoldanyldy, dep habarlaıdy «QazAvtoJol» UQ» AQ resmı arnasy.
— Qazaqstanda 2025 jyldyń basynan beri respýblıkalyq jáne jergilikti mańyzy bar avtomobıl joldarynyń qurylys jumystaryna 664,3 myń tonnaǵa jýyq bıtým qoldanyldy. Onyń 593,9 myń tonnasy otandyq munaı óńdeý zaýyttarynda óndirildi (PMHZ, Kaspıı bıtým, Qazaq Bitum jáne Asfaltobeton), al 154,9 myń tonnasy kórshi elden ımporttaldy, — delingen habarlamada.
Bul kórsetkishter elimizdiń jol ınfraqurylymyn bıtýmmen qajetti kólemde qamtamasyz etilgenin kórsetedi.
Jol qurylysy men jóndeý jumystarynda jol bıtýmy mańyzdy quramdas bólikti atqaryp, jol jabynyn uzaq ári berik qoldanýǵa múmkindik beredi.
Respýblıkalyq jáne jergilikti jol jobalarynda otandyq jáne ımporttyq bıtým paıdalanylady.
Buǵan deıin «QazAvtoJol» «Aqtóbe — Qandyaǵash» trassasynda kólik qozǵalysy shekteletinin habarlady.