Qazaqstan joldary sý tasqynyna daıyn ba

ASTANA. KAZINFORM — «QazAvtoJol» UK» AQ basqarma tóraǵasy Darhan Imanashev sý tasqyny kezeńine daıyndyq sharalary týraly baıandady.

— Sý tasqyny kezeńine daıyndyq keshendi túrde júrgizilip jatyr. 2024-2025 jyldary myńnan astam sý ótkizý qubyrlary salynyp, jóndeý jumystary júrgizildi. Osy jumystar nətıjesinde qaýipti ýchaskeler sany eki esege qysqardy, — dedi D. Imanashev Úkimet otyrysynda.

Oǵan qosa, tasqynnyń aldyn alý úshin jergilikti atqarýshy organdarmen birlesip 219 karer iske qosylǵan, ınertti materıaldar qory qamtamasyz etilgen.

Qum, topyraq, qıyrshyq tas pen kesektas sekildi negizgi jol-qurylys materıaldary əzirlengen.

Sonymen birge, joldardy basqarý protsesin avtomattandyrý úshin tsıfrlyq sheshimder engizilip keledi. Byltyr pılottyq joba retinde «Almaty–Qonaev» aqyly ýchaskesinde ıntellektýaldy kólik júıesi testtik rejımde qosyldy.

— Onda JI elementterin paıdalaný arqyly jol-kólik oqıǵalaryn, janýarlardyń jolǵa shyǵý faktisin, aýa raıynyń ózgerýin jəne jol erejesin buzǵandardy anyqtaý kózdelgen. Dəl osyndaı sheshimder «Astana-Temirtaý» jəne «Astana-Şýche» ýchaskelerinde engizý josparlanyp otyr, — dedi D. Imanashev.

Aıta keteıik, elimizde aqyly joldar qataryna taǵy 6 ýchaske qosylady. Aqyly jolda aqaý anyqtalsa, tólem ýaqytsha toqtatylady.