Qazaqstan jol ǵylymı-zertteý ınstıtýtynan órt shyqty
ALMATY. QazAqparat - Almatyda Qazaqstan jol ǵylymı-zertteý ınstıtýtynyń ekinshi qabaty órtendi, dep habarlaıdy QazAqparat tilshisi.
Almaty qalalyq Tótenshe jaǵdaılar departamentiniń «101» pýltine 14:04 Alataý aýdany, Nurpeıisova 2a mekenjaı boıynsha órt shyqqan tútin týraly habarlama tústi.
«Órt sóndirý brıgadasy joǵary dárejedegi shaqyrtý boıynsha jumyldyryldy, qutqarýshylar oqıǵa ornyna 5 mınýtta jetti. Olar kelgen kezde úsh qabatty ákimishilik ǵımarattyń ekinshi qabatynyń 45 sharshy metr jeri órtenip ketti»,-dedi vedomstvodan.
Órtti sóndirýge 14 birlik tehnıka men 47 adam jumyldyryldy. Qazirgi ýaqytta órttiń shyǵý sebebi anyqtalyp jatyr.
Aıta keteıik, búgin Almatyda jolaýshylar avtobýsy órtengen bolatyn.
