Qazaqstan joǵary deńgeıdegi jarysty ótkizýge qabiletti kontınenttik elder qataryna qosyldy - Nursultan Nazarbaev
ANA. 6 aqpan. QazAqparat - Memleket basshysy Nursultan Nazarbaev Almatyda VII Qysqy Azııa oıyndarynyń saltanatty jabylý rásimine qatysty, dep habarlady QR Prezıdentiniń baspasóz qyzmeti.
Azıadanyń jabylý rásimi Balýan Sholaq atyndaǵy sport jáne mádenıet saraıynda ótti.
Prezıdent óz sózindeVII Qysqy Azııa oıyndary halyqaralyq ómirdegi iri oqıǵa bolǵanyn atap ótti. Astana men Almatynyń sporttyq alańdarynda 27 memlekettiń eń úzdik atletteriniń arasynda taza báseke ótti. Alǵash ret 69 komplekti medaldar sarapqa salyndy. Bul qysqy Azıada úshin rekord. Qazaqstan osyndaı joǵary deńgeıdegi jarysty ótkizýge qabiletti kontınenttik elder qataryna qosyldy.
- Men bizdiń sportshylar komandalyq esepte tamasha nátıjeler kórsetkenine qýanyshtymyn. Azıada kúshtiń, ádemilik pen márttiktiń naǵyz saltanatyna aınaldy. Biz sportty beıbitshilik pen dostyqtyń merekesine aınaldyrdyq! Osy kúnderi ár elden kelgen myńdaǵan adam bir-birimen júzdesti, áńgimelesti, birin-biri tanydy. Kópshiligi Qazaqstannan jańa dostar tapty. Bizdiń bárimiz, ár halyqtyń ókilderi, rýhanı baı jáne jomart bola tústik. Biz bir-birimizdi jaqsy túsindik. Osyny Azıadanyń basty jetistigi dep sanaýǵa bolatynyna senimdimin! - dep atap ótti Memleket basshysy.
Azııa oıyndarynyń ashylý rásimi Astanada - elordada ótti. Qazaqstan qonaqtary álemdegi eń bıik taýly muz aıdyny - Almatydaǵy «Medeýde» boldy. Azııa oıyndarynda alǵash ret olımpıadalyq estafeta alaýyn Qazaqstannyń 20 qalasynan alyp ótti. Azııa Olımpıadalyq keńesi estafetany turaqty ótkizý týraly sheshim qabyldady. Bıylǵy Azıadanyń jarqyn sımvoly - qazaqstandyq barys - barlyǵymyz úshin ystyq ári jaqyn bola tústi.
- Qazir biz jetinshi qysqy Azııa oıyndarymen rızashylyqpen qosh aıtysamyz. Oıyndar bizge keremet te umytylmas áserler syılady. Bul Azıada keremetke toly boldy. Barshańyzdy jetinshi qysqy Azııa oıyndarynyń aıaqtalýymen quttyqtaımyn, meniń sizderge: «Kóriskenshe!» degim keledi! - dedi Nursultan Nazarbaev.
Memleket basshysy VII Qysqy Azııa oıyndaryn jabyq dep jarııalady.
Azıadanyń qorytyndysy boıynsha Qazaqstan jalpy komandalyq esepte 32 altyn, 21 kúmis jáne 17 qola medal ıelenip, birinshi orynǵa ıe boldy. Ekinshi orynǵa - 13 altyn, 24 kúmis, 17 qola medaldarmen Japonııa, al úshinshi orynǵa 13 altyn, 12 kúmis, 13 qola medal alǵan Ońtústik Koreıa ıe boldy. Tórtinshi oryndy 11 altyn, 10 kúmis, 14 qola alǵan Qytaı ıelendi.
