Qazaqstan JІÓ-degi energııa syıymdylyǵy boıynsha kóshbasshylardyń qatarynda tur
ALMATY. Maýsymnyń 11-i. QazAqparat /Erlik Erjanuly/ - Qazaqstan jalpy ishki ónimdegi energııa syıymdylyǵy boıynsha kórshiles jáne Reseı, Belarýs, Ýkraına sııaqty basqa da kóptegen elderden alda tur. Bul búgin Almatyda ótken «Energetıka jáne turǵyn úı -kommýnaldyq sharýashylǵyna ınnovatsııalar men energoresýrs saqtaý tehnologııalarynyn engizý» dep atalatyn konferentsııada aıtyldy,
dep habarlaıdy QazAqparat.
«Energııa jınaqtaý qorshaǵan ortany qorǵaý sııaqty problemamen de tyǵyz baılanysty. Qazir BUU ǵalamshardyń ǵalamdyq jylynýy máselesine baılanysty parnıkti gaz shyǵarýdy azaıtýdy qarap jatyr. Qazaqstanda onyń 80 paıyzy energetıkada», deıdi BUU Damý baǵdarlamasy Ǵalamdyq ekologııalyq qory jobasynyń energetıkalyq tıimdilik jónindegi menedjeri Aleksandr Belyı. Onyń aıtýynsha, ǵalamdyq klımattyń jylynýyn baıaýlatýda energetıkalyq resýrstardy tıimdi paıdalanýdyń mańyzy óte joǵary. Qazaqstanda qazir jylý energııasyn óndirýde tehnıkalyq tozý 60 paıyzdy qurap otyr. Jylý energııasyn berý jylý jelisiniń 60 paıyzdan astamy 20 jyldan astam ýaqyttan beri jumys istep tur. Al onyń 18 paıyzdan astamy jedel aýystyrýdy qajet etedi. Onda jylý shyǵyny óte joǵary.
