Qazaqstan jylqy sany boıynsha álemdegi bes eldiń qataryna kiredi
ASTANA. KAZINFORM – Qazaqstannyń mal sharýashylyǵy órkendep keledi. 2019-2026 jyldary iri qara mal basy 10,8% – 7,4 mln-nan 8,2 mln basqa deıin, qoı men eshki – 7,8% - 19,2 mln-nan 20,7 mln basqa deıin, qus – 9,1% - 45 mln-nan 49,1 mln basqa deıin ósti.
QR Aýyl sharýashylyǵy mınıstrliginiń baspasóz qyzmetinen málim boldy.
Ondaǵy málimetterge qaraǵanda, eń úlken ósim jylqy sharýashylyǵy boıynsha tirkelip otyr. Naqtyraq aıtsaq, elde jylqy sany 58,6% – 2,9 mln-nan 4,6 mln basqa deıin ósken. Osyǵan qaraı qazir Qazaqstan jylqy sany boıynsha álemdegi bes eldiń qataryna kiredi.
Sondaı-aq 2026 jylǵy 1 qyrkúıektegi jaǵdaı boıynsha iri qara mal basy 9 mln basqa, qoı men eshki – 23,3 mln, qus – 47,8 mln, jylqy – 4,9 mln, túıe – 310,9 myń basqa jetti.
2026 jyldyń qańtar-tamyz aılarynda tiri salmaqta 1,2 mln tonna et, 2,7 mln tonna sút jáne 3,2 mlrd dana jumyrtqa óndirildi.
-Mal sharýashylyǵyn odan ári damytý mal basy ónimdiligin arttyrýdy, selektsııalyq-asyldandyrý jumystaryn jetildirýdi, jemshóp bazasyn nyǵaıtýdy jáne qaıta óńdeý qýattaryn keńeıtýdi kózdeıdi. Taýarly ónim kólemin ulǵaıtý, onyń sapasyn jáne aýyl sharýashylyǵy óndirýshileri úshin ekonomıkalyq tıimdiligin arttyrý basymdyq bolyp qala beredi,-delingen habarlamada.
Osyǵan deıin elde mal ónimderin ótkizý tártibi kúsheıtiletini týraly jazdyq.
