Qazaqstan jyl sońyna deıin Qytaımen shekaraaralyq QR tólemderin iske qospaq
ALMATY. KAZINFORM — Almatyda ótip jatqan Central Asia Fintech Summit sammıtinde Ulttyq bank tóraǵasynyń orynbasary Bınur Jálenov Qazaqstan 11 elmen shekaraaralyq tólemderdi iske qosýǵa daıyndalyp jatqanyn aıtty.
2026 jyldyń sońyna deıin Qytaı men Qazaqstan arasynda tólem jasaıtyn QR-kod iske qosylady.
Onyń aıtýynsha, birqatar salada praktıkalyq kelisimderge qol qoıylǵan.
— Qazir shekaraaralyq tólemderdi damytatyn 11 el bar. Olarǵa Qytaı, Úndistan, Birikken Arab Ámirlikteri, Qyrǵyzstan, Ózbekstan jáne basqa da elder kiredi. Biz jyl sońyna deıin mundaı tólem júıesi Qytaımen jumys isteı bastaıdy dep úmittenemiz. Qalǵan elder kelesi jyldyń ortasyna josparlanǵan, — dedi Bınur Jálenov.
Osylaısha qazaqstandyqtar bank qosymshasy men QR-kodyn paıdalanyp, tólem jasaı alady.
— Qytaıda júrip te, QR-kodty skanerlep, tólem jasaı alasyz. Dál solaı sheteldikterde bizde solaı tólem jasaıdy, — dedi Ulttyq bank ókili.
Al komıssııany bankterdiń ózi bekitedi.
Eske salaıyq, biryńǵaı QR júıesi Qazaqstandaǵy tólem naryǵynyń tórtten bir bóligin alatynyn jazdyq.
