Qazaqstan jerindegi ıslam men pravoslavııa dinderiniń kóp jyldyq berik dostyǵy qazaqstandyqtardyń rýhanı baılyǵynda mańyzdy ról atqarady - Bas Múftı Ábsattar qajy Derbisáli
ASTANA. 7 qańtar. QazAqparat - Qazaqstan musylmandary Dinı basqarmasy jáne Ortalyq Azııa múftıler keńesiniń tóraǵasy, Bas múftı Sheıh Ábsattar qajy Derbisáli Astana jáne Qazaqtan mıtropolıti Aleksandr men pravoslav dinin ustanýshy barlyq otandastaryn Rojdestvo merekesimen quttyqtady.
Quttyqtaýda: «Qurmetti mıtropolıt Aleksandr, Sizdi jáne pravoslav dinin ustanýshy barlyq otandastarymdy Rojdestvo merekesimen qttyqtaımyn!», - delingen.
«Bul mereke adamdar júregine jaqsylyq pen qaıyrymdylyq uıalatady.
Qazaqstan jerindegi ıslam men pravoslavııa dinderi arasyndaǵy kóp jyldyq berik dostyq qazaqstandyqtardyń rýhanı ómirinde, patrıottyqty tárbıleýde, azamattardyń yntymaǵy men kelisiminiń nyǵaıýynda mańyzdy ról atqarady», - delingen quttyqtaýda.
«Asa qurmetti mıtropolıt, Sizge jáne Orys pravoslav shirkeýine dostyqty nyǵaıtyp, otandastarymyzdy patrıottyq rýhta tárbıeleý jolyndaǵy eńbekterińizge jemis tileımin. Barlyq qazaqstandyqtarǵa zor densaýlyq, júrekterine baqyt pen qýanysh jáne Alla taǵalamyzdyń baıtaq elimizdi jarylqaýyn tileımin», - delingen quttyqtaýda.
