Qazaqstan jerin basyp ótken Qytaıdyń júk poıyzy Londonǵa jetti
ASTANA. QazAqparat - Ulybrıtanııaǵa bet alǵan Qytaıdyń alǵashqy synamaly júk poıyzy 18 qańtarda Londonnyń eýrohaby - Barkıngke jetti, dep habarlaıdy Railway Gazette.
Taýarlarǵa suranys naryǵy anyqtalǵan soń, bul baǵyt 2-3 aı kóleminde apta saıyn júredi dep kútilýde. Temirjol tasymalyna 18 kún ketti, bul merzim teńiz jolynan eki ese az jáne áýe tasymalynan aıtarlyqtaı arzan.
12 myń shaqyrymnan asatyn poıyz joly Qazaqstan, Reseı, Belarýs, Polsha, Germanııa, Belgııa, Frantsııa jáne Anglııa arqyly ótedi.
Halyq tutynatyn jáne avtokóliktiń qosalqy bólshekteri, elektronıka sekildi kapıtaldy qajet etetin taýarlar jiberetin klıentterge temirjol qyzmeti aqysy tıimdi bolady.
Eske sala ketsek, qańtar aıynyń basynda Qytaı Qazaqstan arqyly Londonǵa baratyn tuńǵysh júk poıyzyn jibergen edi.
