Qazaqstan jerdi ǵaryshtan baqylaıtyn spýtnıkter shyǵarady
NUR-SULTAN. QazAqparat – Elimizde jerdi ǵaryshtan qadaǵalaıtyn spýtnıkter qurastyrylýy múmkin, dep habarlaıdy QazAqparat tilshisi.
Bul týraly Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın aıtty.
«Ǵarysh salasyndaǵy ekinshi baǵyt – jerdi qashyqtyqtan zondtaý. Qazir ol birneshe salada qoldanylyp otyr. Mysaly, byltyr 1 mln ga paıdalanylmaı jatqan jer osy tehnologııanyń kómegimen belgili boldy. Sondaı-aq, 217 zańsyz aǵash kesý faktisin, 4 mln ga órt oshaǵyn, 9 myńnan astam zańsyz qoqys ornyn anyqtadyq. Munyń bári spýtnıktik tehnologııalar arqyly anyqtalady. 60 mlrd teńgege salynǵan zaýytta jerdi qashyqtyqtan zondtaýǵa baǵdarlanǵan spýtnıkter shyǵaratyn bolamyz. Osy baǵytta damýǵa múmkindik bar», - dedi Baǵdat Mýsın.
Eske salsaq, budan bylaı HQO qyzmetkerleri derbes derekterge arnaıy kodpen ǵana kiretin boldy.
Sondaı-aq, Baǵdat Mýsın qazaqstandyqtarǵa áleýmettik jelige tirkelgen kezde derbes derekterdi bermeýge keńes berdi.
