Qazaqstan jeńil atletıkadan Azııa chempıonatyndaǵy ekinshi altyn medalin jeńip aldy

ASTANA. KAZINFORM — Jeńil atletıkadan Qazaqstan quramasy Qytaıdyń Tıantszın qalasynda ótip jatqan jabyq keshendegi Azııa chempıonatynda ekinshi altyn medalǵa qol jetkizdi. Bul týraly QR Ulttyq Olımpıada komıteti habarlady. 

Jeńis tuǵyrynyń eń joǵarǵy satysyna Nora Djerýto kóterildi. Ol 3000 metrge júgirý saıysynda úzdik nátıje kórsetti.

Qazaqstandyq sportshy 8:46.87 ýaqyt kórsetkishimen márege jetti. Ekinshi oryndy japonııalyq Nozomı Tanaka (8:48.22), al úshinshi oryndy qytaılyq Lo Sıa (9:16.18) ıelendi.

Aıta keteıik, buǵan deıin Nora Djerýto 1500 metr qashyqtyqta qola júldege ıe bolǵan. Al Alına Chıstıakova bessaıysta altyn medal jeńip aldy.