Qazaqstan jeńil atletıkadan Azııa chempıonatynda qola júldege qol jetkizdi
ASTANA. KAZINFORM — Qazaqstan quramasy sekirý dıstsıplınalary boıynsha Azııa chempıonatyn bir medalmen aıaqtady.
Qytaıdyń Chýntsın qalasynda jeńil atletıkadan sekirý dıstsıplınalary boıynsha alǵashqy Azııa chempıonaty óz máresine jetti.
Qurlyqtyq dodada Qazaqstan quramasy sapynda bes sportshy baq synady.
Ulttyq qurama sapyndaǵy eń úzdik nátıjeni Elızaveta Matveeva kórsetti. Ol bıiktikke sekirýden 180 sm nátıjemen qola medal jeńip aldy. Osy synda Nadejda Dýbovıtskaıa 175 sm kórsetkishpen toǵyzynshy orynǵa turaqtady.
Marııa Efremova úsh qarǵyp sekirýden 13,32 m nátıjemen besinshi oryn ıelendi. Syryqpen sekirýden Polına Ivanova da 4,10 m kórsetkishpen jarysty besinshi bolyp aıaqtady.
Al uzyndyqqa sekirýden synǵa túsken Anastasııa Rypakova qorytyndy hattamada 12-orynǵa jaıǵasty (5,52 m).
Jalpy komandalyq esepte Qazaqstan quramasy bir qola medalmen segizinshi oryn aldy. Kósh basynda Qytaı quramasy tur (5 altyn, 4 kúmis, 3 qola). Ózbekstan ekinshi orynǵa ıe bolsa (2 altyn, 1 kúmis), Qatar quramasy úzdik úshtikti túıindedi (1 altyn).
Aıta ketelik Astanada 2027 jyly bokstan álem chempıonaty ótedi.
