Qazaqstan jeńil atletıkadan Azııa chempıonatyn alty medalmen aıaqtady
ASTANA.KAZINFORM – Qytaıdyń Ordos qalasynda jeńil atletıkadan jastar arasynda Azııa chempıonaty aıaqtaldy.
Otandastarymyz sary qurlyq birinshiliginde eki kúmis, tórt qola júldemen kózge tústi.
Anastasııa Rypakova (uzyndyqqa sekirý) jáne Alına Chıstıakova (jetisaıys) kúmis júldemen jarysty aıaqtady.
Al Maksım Balabın (syryqpen sekirý) jáne ıAsmına Toqsanbaeva (sporttyq júris) qola júldeger atandy. Sonymen qatar Anna Shýmılo, Ekaterına Pýzyreva, Tatıana No, Darıa Grıdasovadan quralǵan áıelder komandasy 4h100 metrlik estafetada úshinshi oryn aldy.
Odan bólek, otandastarymyz 4h400 metrlik estafetada qola medalǵa ıe boldy. Komanda sapynda Anna Shýmılo, Anastasııa Tsvırkýnova, Ekaterına Koloda, Marııa Shývalova óner kórsetti.
QR UOK málimetinshe, osylaısha Qazaqstan jalpy komandalyq esepte segizinshi orynǵa turaqtady.
Qytaı quramasy kósh bastady (23 altyn, 17 kúmis, 12 qola). Ekinshi orynǵa Japonııa quramasy jaıǵasty (7 altyn, 8 kúmis, 7 qola). Úzdik úshtikti Ózbekstan túıindedi (5 altyn, 4 kúmis, 1 qola).
Qazaqstandyq short-trekshiler men mánerlep syrǵanaýshylar AOK, ISU oqý-jattyǵý jıyndaryna qatysatynyn jazǵan bolatynbyz.
