Qazaqstan jeńil atletteri XXII Azııa chempıonatyndaǵy eń sany kóp komanda boldy
ASTANA. QazAqparat - Azııa chempıonatynyń ashylý saltanaty 5 shildede 3, 5 aı buryn ǵana jóndeý jumystary bastalǵan Bhýbaneshvardaǵy «Kalinga» stadıonynda ótti.
Uıymdastyrýshylar kórermenderge 2 saǵatqa sozylǵan keremet shoý syılady, dep habarlaıdy QR Jeńil atletıka federatsııasynyń baspasóz qyzmeti.
Saltanatty shara kezinde jarysty uıymdastyrýshy memlekettiń tarıhy, «Aıdahar bıi», úndisterdiń dástúrli bıi kórsetildi. Sondaı-aq sońynda otshashý boldy. Jeńil atletıkanyń mamandary ashylý saltanatyn óte joǵary baǵalady. Uıymdastyrýshylar joǵary deńgeıde daıyndalǵan. Bul sońǵy jyldardaǵy Azııadaǵy eń úzdik ashylý saltanatarynyń biri boldy.
Qazaqstan quramasynyń týyn balǵa laqtyrýshy Dıana Núsipbekova alyp júrdi.
Jalpy alǵanda, Bhýbaneshvardaǵy Azııa chempıonatynda qurlyqtyń 800 úzdik atleti óner kórsetedi. Olar 45 eldiń namysyn qorǵaıdy. Qazaqstan komandasy Úndistanǵa 3 shilde kúni ushyp keldi. Bizdiń eldiń delegatsııasy Astana jáne Almaty qalalarynan jınalyp, eki top bolyp bardy. Sary qurlyq dodasynda elimizdiń atynan 31 sportshy synǵa túsedi. Olar aldaǵy Londonda ótetin álem chempıonatynyń normatıvin oryndaýǵa tyrysady.
Jeńil atletıkadan Azııa chempıonatynda óner kórsetetin Qazaqstan quramasy
Erler
Vladıslav Grıgorev (100 jáne 200 metrge júgirý), Ivan Ivanov (ıadro serpý) Vıacheslav Zems (110 metrge tosqaýyldar arqyly júgirý) Artýr Gafner (naıza laqtyrý), Danıl Polıanskıı (syryqpen sekirý), Roman Loshkarev (bıiktikke sekirý), Aleksandr Kıselev (uzyndyqqa sekirý), Igor Kondratev (400 metrge tosqaýyldar arqyly júgirý), Dmıtrıı Koblov (400 metrge tosqaýyldar arqyly júgirý), Andreı Sokolov (400 metrge júgirý jáne 4h400 boıynsha estafeta), Roman Valıev (úsh qarǵyp sekirý), Alekseı Gýsarov (1500 metrge júgirý), Evgenıı Mılovatskıı (dısk laqtyrý).
Áıelder
Vıktorııa Zıabkına (100 jáne 200 metrge júgirý jáne 4h100 boıynsha estafeta), Olga Safronova (100 jáne 200 metrge júgirý jáne 4h100 boıynsha estafeta), Rımma Kashafýtdınova (4h100 boıynsha estafeta), Svetlana Golendova (4h100 jáne 4h400 boıynsha estafeta) ıÝlııa Rahmanova (4h100 boıynsha estafeta), Anastasııa Týlapına (4h100 boıynsha estafeta), Anastasııa Vınogradova (100 metrge tosqaýyldar arqyly júgirý), Áıgerim Shynazbekova (100 metrge tosqaýyldar arqyly júgirý), Elına Mıhına metrge júgirý, 4h100 boıynsha estafeta), Merdjen Ishangýlıeva ( 400 metrge tosqaýyldar júgirý, 4h100 boıynsha estafeta), Tatıana Neroznak (800, 1500 metrge júgirý, 4h100 boıynsha estafeta), Adelına Ahmetova (400 metrge tosqaýyldar arqyly júgirý, 4h100 boıynsha estafeta)Nadejda Dýbovıtskaıa (bıiktikke sekirý), Irına Ektova (úsh qarǵyp sekirý), Marııa Ovchınnıkova (úsh qarǵyp sekirý), Dıana Núsipbekova (balǵa laqtyrý), Varvara Nazarova (naıza laqtyrý), Nadejda Kırnos (jetisaıys).
XXII Azııa chempıonaty 6-9 shilde aralyǵynda Úndistannyń Bhýbaneshvar qalasynda ótedi.
