Qazaqstan Jenevada ótken aqparattyq kommýnıkatsııa tehnologııalary mamandarynyń joǵary deńgeıdegi búkilálemdik forýmyna qatysty
Bul týraly QR Mádenıet jáne aqparat mınıstrliginen málim etti.
AQJDBK Forýmynda aqparattyq kommýnıkatsııa tehnologııalary (AKT) salasynyń negizgi qatysýshylary atalmysh saladaǵy jańa qosymshalar men bolashaq jobalary boıynsha ózara pikir almasý, tájirıbemen bólisý jáne áriptestik ornatý maqsatynda bas qosty.
Joǵary deńgeıdegi Búkilálemdik kezdesýler 2003 jyly Jenevada, 2005 jyly Týnıste «Aqparattyq qoǵamdastyqty qurý - jańa myńjyldyqtaǵy ǵalamdyq mindet» atty Deklaratsııa qaǵıdattary ázirlenip, qabyldanǵan soń, jyl saıyn ótkizile bastady.
Forým aıasynda qazaqstandyq delegatsııa aqparattyq qoǵamdy damytý salasy boıynsha ózderiniń jetistikterin jarııalaǵan kórmege qatysyp, «Qazaqstanda elektrondyq úkimetti damytý jáne aqparattyq qoǵamdy qurý» atty semınar uıymdastyrdy.
Qazaqstan BUU-nyń reıtıngisinde «elektrondyq úkimetti» damytý boıynsha qarqyndy túrde damyp kele jatqan el retinde kópshilik tarapynan qyzyǵýshylyq týdyrdy.
Esterińizge salyp óteıik, BUU-nyń sońǵy reıtıngisine sáıkes «e-qatysý» ındeksi boıynsha uıymǵa múshe 190 eldiń arasynda Qazaqstan Sıngapýrmen birge 2-shi oryndy bólisti (2005 jyly - 31 oryn). «Elektrondyq úkimetti damytý» ındeksi boıynsha bizdiń el ústimizdegi jyly 38-shi orynǵa kóterildi. 2005 jyly 65 oryndy ıemdengen edik.
Semınar barysynda ««Zerde» Ulttyq ınfokommýnıkatsııalyq holdıngi» AQ basqarma tóraǵasynyń orynbasary Bıkesh Qurmanǵalıeva jáne «Ulttyq aqparattyq tehnologııalar» AQ basqarma tóraǵasy Rýslan Eńsebaev, elektrondyq úkimetti qurý jáne damytý boıynsha óz tájirıbelerimen bólisip, ınfraqurylymdy qurý, jobany júzege asyrý kezeńderi jáne www.egov.kz . portalymen jumys isteý týraly aıtyp berdi.
Búgingi kúni Qazaqstanda «elektrondyq úkimet» jobasy aıasynda 2 myńnan astam aqparattyq, 225 ınteraktıvti jáne tranzaktsııalyq qyzmetter kórsetilýde. Kún saıyn 25000 paıdalanýshy eGov portalyn paıdalanady. 1 mln.-nan astam elektrondyq qoltańba (ETsQ) berildi. Osy qoltańbanyń kómegimen azamattar ınternet arqyly memlekettik qyzmet kórsetýlerdi alady. E-qyzmetterdiń ishinde eń kóp suranysqa ıe - aıyppul men salyq tóleý, jyljymaıtyn múliktiń joqtyǵy týraly, zeınetaqy salymdary týraly anyqtama jáne t.b. Aǵymdaǵy jyldyń sońyna deıin jańa e-qyzmetterdi iske qosý josparlanýda. Olardyń qatarynda jeke basty kýálandyratyn qujattardy qaıta shyǵarý qyzmeti bar.
Aqparattyq anyqtama: Qazaqstan Respýblıkasynda «elektrondyq úkimetti» qurý Memleket basshysy Nursultan Nazarbaevtyń bastamasymen qolǵa alynǵan bolatyn. E-úkimetti engizý baǵdarlamasy Prezıdenttiń 2004 jylǵy 10 qarashadaǵy Jarlyǵymen bekitildi.
2004-2006 jyldar aralyǵynda «elektrondyq úkimettiń» veb-portaly men shlıýzi, vedomstvoaralyq elektrondyq qujat aınalymy kýálandyrýshy ortalyqtar, biryńǵaı tasymal orta, jeke jáne zańdy tulǵalardyń memlekettik derekter qory iske qosyldy.
www.egov.kz portaly óz jumysyn 2006 jylǵy 12-shi sáýirde bastady. Іske qosý kezinde ár túri memlekettik organdardyń qyzmetin qamtyǵan 377 aqparattyq qyzmet iske asyryldy. 2007-2009 jyldar aralyǵynda tranzaktsııa júrgizýge múmkindik beretin «elektrondyq úkimettiń» tólem shlıýzi boıynsha jumystar júrgizildi. Portalda «E-lıtsenzııalaý» boıynsha derekter qory men alǵashqy ınteraktıvti qyzmetter iske asyryldy.
Búgingi kúni «elektrondyq úkimet» jobasy aıasynda 2000 nan astam aqparattyq, 225 ınteraktıvti jáne tranzaktsııalyq qyzmetter usynylýda. Portalda 154 120 paıdalanýshy tirkelgen jáne kún saıyn 25 000 adam portaldy paıdalanady. Elektrondyq úkimet iske qosylǵan 6 jyldyń ishinde 11 200 000 e-qyzmet kórsetildi. Olardyń 1 200 000nan astamy ústimizdegi jyly kórsetildi. 2012 jylǵy 1-shi sáýirden bastap www.elicense.kz e-lıtsenzııalaý portalynda lıtsenzııalardyń barlyq túri tek elektrondyq nusqada beriledi.
www.egov.kz portalynda eń kóp suranysqa ıe elektrondyq qyzmet - jyljymaly múlikke qatysty anyqtama. Jyljymaıtyn múliktiń bar (joǵy) týraly jáne jeke tulǵanyń jyljymaıtyn múlikke tirkelgen quqyqtary týraly anyqtamany alý úshin, atalǵan qyzmet iske qosylǵan 2009 jyldan bastap 6 mıllıon ótinim kelip túsken.
BUU-nyń ár eki jyl saıyn ótkiziletin ǵalamdyq zertteý derekterine sáıkes 2012 jyly Qazaqstan 8 deńgeıge kóterilip, (2010 jylmen salystyrǵanda)192 orynnyń ishinde 38-shi orynǵa ıe boldy. Budan ózge, onlaın-qyzmet ındeksi 10, telekommýnıkatsııa ınfraqurylymynyń ındeksi 14 deńgeıge artty. E-qatysý ındeksi boıynsha Qazaqstan Sıngapýr elimen birge ekinshi oryndy ıelendi.
2013 jyldyń basyna qaraı áleýmettik mańyzǵa ıe qyzmetterdiń 60%-yn, 2014 jylǵa qaraı - 100%-yn elektrondyq nusqaǵa kóshirý kózdelýde. Sonymen birge, 2012-2014 jyldary «elektrondyq úkimet» portalynyń arhıtektýrasy men shlıýzin modernızatsııalaý jáne turaqtandyrý, yqpaldastyrylǵan qyzmetterdi iske asyrý, Android jáne iOS platformalaryna arnalǵan «Mobıldik úkimet» qosymshasyn ázirleý jumystary júrgiziledi.
