Qazaqstan Jenevada alǵash ret ISAR tóraǵasy bolyp saılandy

NUR-SULTAN. QazAqparat – Qazaqstan Jenevada alǵash ret Halyqaralyq býhgalterlik esep jáne eseptilik standarttary jónindegi úkimetaralyq toptyń (ISAR) tóraǵasy bolyp saılandy. Bul týraly QazAqparat QM baspasóz qyzmetine silteme jasap.

ISAR tóraǵasy bolyp Qazaqstan Respýblıkasy Qarjy mınıstrliginiń ókili, býhgalterlik esep jáne aýdıt ádistemesi departamentiniń dırektory Arman Bekturova taǵaıyndaldy. Bul týraly osy kúnderi Jenevada (Shveıtsarııa) ótip jatqan ISAR 36-shy sessııasynda belgili boldy.

ISAR BUU-nyń Saýda jáne damý jónindegi konferentsııasy retinde (ıÝNKTAD) býhgalterlik esep pen eseptilikti damytý salasyndaǵy ozyq tájirıbelermen almasý úshin jáne eń ózekti máseleler men basymdyqtardy aıqyndaý úshin jahandyq jáne ınklıýzıvti forým retinde quryldy.

ISAR saraptamalyq zertteýlermen aınalysady, jyl saıyn sessııalar men semınarlar ótkizedi, halyqaralyq standarttar men úzdik halyqaralyq tájirıbeler men tehnıkalyq kómek jobalaryn is júzinde engizýge kómektesetin qujattar ázirleıdi.

Aıta ketsek, Qazaqstanda (TMD elderi arasynda tuńǵysh ret) qarjylyq zań buzýshylyqtardyń aldyn alýǵa baǵyttalǵan memlekettik aýdıt jáne qarjylyq baqylaý týraly zań qabyldandy.