Qazaqstan jemqorlyqpen kúreste Ortalyq Azııada kósh bastap tur – Iordanııa elshisi

NUR-SULTAN. QazAqparat – Elimizde sybaılas jemqorlyqty boldyrmaý baǵytynda qolǵa alynyp jatqan is-sharalarǵa shet memleketter qyzyǵýshylyq tanytýda. Sonyń biri Iordanııa memleketi. Qazaqstannyń paraqorlyqpen kúres jolyndaǵy tájirıbesine qatysty Iordan Hashımıt Koroldiginiń Qazaqstan Respýblıkasyndaǵy Tótenshe jáne Ókiletti Elshisi ıÝsýf Mýstafa Abdelǵanı óz oıyn bildirdi, dep habarlaıdy QazAqparat tilshisi.

«Qazaqstannyń sybaılas jemqorlyqqa qarsy kúres jumystarymen biz tanyspyz. Onyń dáleli halyqaralyq reıtıngte Qazaqstan 180 eldiń ishinde 94 orynǵa ıe boldy. ıAǵnı burynǵydan 9 pozıtsııaǵa kóterilgen. Sybaılas jemqorlyqpen kúreste Qazaqstandy Ortalyq Azııa elderiniń ishinde kósh bastap tur desek bolady. Óz kezeginde Iordanııa bul jańalyqty qýana qabyldaıdy», - dedi ıÝsýf Mýstafa Abdelǵanı «Antikor» alańynda onlaın ótken baspasóz máslıhatynda.

Suhbat barysynda belgili bolǵandaı, qazaqstandyq «AntikorNews» jobasy Iordanııada da júzege asyrylyp jatyr.

«AntikorNews» - óte qajetti joba. Bizdegi adaldyq jáne sybaılas jemqorlyqqa qarsy kúres komıteti osy jobamen tanysyp, qyzyǵýshylyq tanytyp otyr. ıAǵnı, ózara tájirıbe almasý kózdelýde. Qazaqstanda sybaılas jemqorlyqpen kúres zańnamasy jyl saıyn jetildirilip otyrady. Biz buny BAQ arqyly estip-bilip otyramyz. Sonyń biri sizderde memlekettik qyzmetkerlerge syı-qurmet kórsetýge tyıym salynǵan. Sizderdegi taǵy bir jańalyq, qol astyndaǵy qyzmetkerdiń jemqorlyq áreketi úshin basshynyń tikeleı jaýap berýi nemese qyzmetinen ketýi», - deıdi ol.

Sondaı-aq, elshi jemqorlyqqa qarsy kúreste profılaktıkalyq is-sharalardyń mańyzyna toqtala kele, aldyn alý sharalaryn mektepten bastaý kerektigin alǵa tartty.