Qazaqstan jemqorlyqqa qarsy barlyq zańdaryn halyqaralyq standarttarǵa sáıkestendirýde
ALMATY. Mamyrdyń 27-si. QazAqparat /Erlik Erjanuly/ - Jemqorlyqqa qarsy kúreste Qazaqstannyń eń basty saıası erik-jigeri bar. Bul búgin Almatyda ótip jatqan TMD-ǵa múshe memleketterdiń salyqtyq tergeý organdary basshylary Úılestirý keńesiniń 12-shi otyrysynda aıtyldy,
dep habarlaıdy QazAqparat.
"Qazaqstan BUU jemqorlyqqa qarsy konventsııasyn bekitti. Qazirgi tańda barlyq zańdaryn halyqaralyq standarttarǵa sáıkestendirýde. Sondaı-aq jemqorlyqqa qarsy kúres tájirıbesin tanystyrýda belsendi túrde halyqaralyq yntymaqtastyq júrgizýde. Bul baǵytta elde az jumys jasalǵan joq", deıdi QR Ekonomıkalyq qylmysqa jáne sybaılas jemqorlyqqa qarsy kúres agenttigi tóraǵasynyń orynbasary Andreı Lýkın. Onyń aıtýynsha, Úılestirý keńesiniń bul otyrysynda jalpy jedel izdestirý sharalaryn júrgizýdi talqylap, birlesken kelisimdi qabyldaý josparlanyp otyr. Oǵan qatysýshylar alǵashqy kezekte jedel tergeý bólimderiniń jumys tetikteri men árbir eldiń quqyqtyq bazalardy jetildirip halyqaralyq normalarǵa sáıkestendirýdiń qajettigin atap ótýde.
