Qazaqstan jemqorlyqqa belshesinen batqan el deıtin túsinik shyndyqqa janaspaıdy – Prezıdent

ASTANA. KAZINFORM –  Memleket basshysy Qasym-Jomart Toqaev BAQ salasy qyzmetkerlerin marapattaý rásiminde sóılegen sózinde jemqorlyqtyń Qazaqstannyń ımmıdjine keltirip jatqanyn zııany  týraly aıtty.

«Biz, eń aldymen, jemqorlyqty túbirimen joıýymyz kerek. Men osy máselege aıryqsha mán beremin. Biz qoǵamda bul keseldiń bar ekenin jasyrmaımyz. Ashyq aıtamyz dep, onyń zardabyn da tartyp jatamyz. Tipti, keıde sheteldikter de, óz azamattarymyz da Qazaqstandy jemqorlyqqa belshesinen batqan el dep oılaıdy. Bul shyndyqqa esh janaspaıdy», - dedi Prezıdent.

Memleket basshysy el múddesi úshin eńbek etip júrgen adal azamattar az emes dep esepteıdi.

«Qaıtalap aıtamyn: jemqorlyq – kesel. Biz tutas qoǵam bolyp oǵan qarsy turýymyz kerek. Sonda ǵana nátıje bolady», - dedi Qasym-Jomart Toqaev.