13:16, 23 Qazan 2018 | GMT +5
Qazaqstan jeltoqsanda e-freight júıesin engizedi
ASTANA. QazAqparat - 2018 jyldyń jeltoqsan aıynda Qazaqstanda e-freight júk avıatasymaldary salasyndaǵy qaǵazsyz qujat aınalymynyń aqparattyq júıesi engiziledi. Bul týraly búgin Úkimet otyrysynda QR Investıtsııalar jáne damý mınıstri Jeńis Qasymbek aıtty, dep habarlaıdy QazAqparat tilshisi.
«2016 jylǵy jeltoqsanda e-freight memlekettik-jekeshelik jobasy bastaldy. Bıyl 14 maýsymda jeke ınvestormen memlekettik-jekeshelik shartyna qol qoıyldy. 2018 jyldyń jeltoqsan aıynda aqparattyq júıeni engizý josparlanýda. Osy aqparattyq júıeniń engizilýine baılanysty júk tıeý ýaqyty 1-shi kúnnen bastap 1 saǵatqa qysqarady»,- dedi mınıstr.
Aıta keteıik, e-Freight - Júk áýe tasymaldaryn qaǵazsyz rásimdeý jáne olardy súımeldeýdiń halyqaralyq standarty.