Qazaqstan jelilik daıyndyq ındeksi boıynsha TMD elderi arasynda eń joǵary kórsetkishke qol jetkizdi
ASTANA. QazAqparat - Dúnıejúzilik ekonomıkalyq forýmnyń jarııalaǵan esebine sáıkes, Qazaqstan jelilik daıyndyq ındeksi boıynsha 148 eldiń ishinde 38-shi orynǵa ıe boldy. 2013 jylmen salystyrǵanda reıtıngtik kórsetkishte 5 satyǵa joǵarylap, TMD memleketteri arasynda eń joǵary kórsetkishke qol jetkizdi, dep habarlaıdy QR Baılanys jáne aqparat agenttiginiń baspasóz qyzmetinen.
Qazaqstannyń aldynda 37-shi orynǵa Kıpr memleketi, al 39-shy orynǵa Latvııa memleketi oryn tepken. Reseı bolsa atalǵan kórsetkish boıynsha 50-shi orynǵa turaqtady. 2014 jylǵy DEF reıtıngisinde Fınlıandııa, Sıngapýr, Shvetsııa memleketteri kósh bastap tur. Aıta keteıik, jelilik daıyndyq ındeksi eldegi aqparattyq-kommýnıkatsııalyq tehnologııalardyń (AKT) damý deńgeıine baılanysty anyqtalady jáne birneshe kórsetkishterden quralady. Osy kórsetkishterge keler bolsaq, Qazaqstan uıaly baılanys abonentteriniń sany boıynsha 3-shi oryndy ıelense, keń jolaqty Internet jelisine qoljetimdilik boıynsha 8-shi orynda. Al, uıaly baılanys tarıfynyń kórsetkishi jóninen 17-shi oryndy ıelenip otyr.
