Qazaqstan Jazýshylar odaǵynyń tóraǵasy Eýrazııalyq qurmet belgisimen marapattaldy

MÁSKEÝ. QazAqparat - Qazaqstan Jazýshylar odaǵynyń tóraǵasy Ulyqbek Esdáýlet Eýrazııalyq qurmet belgisimen marapattaldy. QazAqparat bul týraly Qazaqstannyń Reseıdegi Elshiligine silteme jasap habarlaıdy.

Bul «Eýrazııa álemi – XXI ǵasyr» jahandyq eýrazııalyq jaqyndasýdyń memleketaralyq forýmy uıymdastyrý komıtetiniń resmı syılyǵy. Joba Reseı Federatsııasy Prezıdenti Ákimshiligimen, Eýrazııalyq ekonomıkalyq komıssııamen jáne Máskeý qalalyq Dýmasymen birlesip júzege asyrylýda.

«Eýrazııalyq Qurmet belgisi bıyl bekitildi, Qazaqstan Jazýshylar odaǵynyń tóraǵasy Ulyqbek Esdáýlet onyń alǵashqy laýreattarynyń biri atandy», - delingen Elshilik saıtynda.

Máskeýde ornalasqan Qazaqstan Elshiliginde ótken marapattaý rásiminde «Eýrazııa álemi – HHІ ǵasyr» forýmynyń marapattaý keńsesiniń múshesi, Búkilreseılik sýda qutqarý qoǵamy Keńesi tóralqasynyń múshesi ıÝrıı Bezrıdnyı Ulyqbek Esdáýlet «Qoǵamdyq qyzmet» jáne «Mádenıet» nomınatsııalary boıynsha elderdi, mádenıetter men halyqtardy Eýrazııalyq jaqyndastyrý isindegi kóp jylǵy eńbegi úshin marapattalǵanyn atap ótti.

Óz kezeginde Ulyqbek Esdáýlet Eýrazııa keńistiginde shyǵarmashylyq baılanystar men mádenıetter dıalogyn nyǵaıtýdyń mańyzdylyǵyn atap ótti.

Aıta keteıik, pandemııa bastalǵaly beri Qazaqstan men Reseı ókilderi arasyndaǵy shyǵarmashylyq baılanystar qaıta jandanýda.

Eske salsaq, 2014 jyldyń qarasha aıynda Máskeýde eki el jazýshylarynyń keń aýqymdy kezdesýi ótti.