Qazaqstan Jazýshylar odaǵynyń sezi 24 qyrkúıekte Almatyda ótedi
ASTANA. 21 qyrkúıek. QazAqparat - Mádenıet jáne aqparat mınıstrliginiń baspasóz qyzmetiniń habarlaýynsha, Qazaqstan Jazýshylar odaǵynyń XIV sezi 24 qyrkúıek kúni Almatyda ótedi.
«2012 jylǵy 24 qyrkúıekte, saǵat 09.00-da Qazaqstan Jazýshylar odaǵynyń kezekti XIV sezi ótedi. Zańda belgilengen erejege sáıkes sezd bes jylda bir ret ótedi. Sezde qazirgi qazaqstandyq ádebıet damýynyń budan bylaıǵy baǵyttary talqylanyp, belgilenetin bolady. Sonymen qatar, forýmda jazýshylardyń shyǵarmashylyq qaýymy túrli máselelerge oraı óz oılaryn ortaǵa salady. Olardy jalpylama talqyǵa usynady. Sońǵy bes jylda jasalǵan jumystarǵa baǵa berilip, aldaǵy bes jylǵa jospar jasalady», - delingen baspasóz qyzmetiniń habarlamasynda.
Sonymen qatar, sezd barysynda odaq tóraǵasy men hatshylyq quramy saılanady.
Eske salsaq, qazirgi kúni Qazaqstan Jazýshylar odaǵynyń 777 múshesi bar.
