Qazaqstan Jazýshylar odaǵy - jaqsylyqtardyń jarshysy - A. Rysqulov
«Men Qazaqstandaǵy ózgeristerdi jiti baqylap otyramyn. Qazaq halqynda keıingi jyldarda saıasatta, ekonomıkada, áleýmettik júıede, ádebıeti men mádenıetinde bolsyn, túrli ilgerileýshilikter bolyp jatyr. Qoǵamnyń oı-pikiri, tynysy jazýshylardyń qalamynda. Qazaqstan jazýshylar odaǵy jaqsylyqtyń jarshysy desek te bolady. Buǵan el Prezıdenti Nursultan Nazarbaevtyń qosqan úles ushan-teńiz dep oılaımyn. Ol tek qana qazaq eliniń kóshbasshysy emes, álemdik deńgeıdegi bedeldi tulǵa», - dedi Qyryzstan Jazýshylar odaǵynyń tóraǵasy, QR-nyń Qazaqstandaǵy burynǵy elshisi Aqbar Rysqulov. Qyrǵyz eliniń ókili Qazaqstan men Qyrǵyzstan arasyndaǵy dostyq pen birlik týraly da aıtyp ótti. «Men óz taǵdyrymdy 1990 jyldyń ortasynan bastap Qazaqstanda ótkizdim. Qyrǵyz elshiligi Qazaqstanǵa alǵashqylardyń biri bolyp keldi. Qazirgi Astana, burynǵy Aqmolada bizdiń qyrmyzy týymyz, qazaqtyń kók baıraǵymen birge kóterilgen bolatyn. Demek bul da birliktiń nyshany dep oılaımyn. Sodan beri qansha jaqsylyqtyń, ózgeristerdiń kýási bolyp kele jatyrmyn. Keleshekte kózdegen 2050 jylǵa qabyldaǵan josparlar tolyǵymen júzege assyn degen tilektemin», - dedi Akbar Ryskulov. Sondaı-aq, aıtýly merekege Eýrazııa Jazýshylar odaǵynyń tóraǵasy ıAkýb Omaroǵly, «Kardesh Kalemler» jýrnalynyń bas redaktory Alı Akbash, Túrkııa Bilim jáne ǵylym mınıstriniń keńesshisi, jazýshy Ilter Ieshılaı, halyqaralyq TÚRKSOI uıymynyń aýdarma bóliminiń meńgerýshisi, aýdarmashy ıAsemın Vodable, Halyqaralyq batalıst jáne marınıst jazýshylar qaýymdastyǵynyń basqarma hatshysy, Reseıdiń eńbek sińirgen qaıratkeri Valerıı Povalıaev, «Lıteratýrnaıa gazetanyń» bas redaktorynyń orynbasary Maksım Zamshev, Tatarstan Jazýshylar odaǵynyń tóraǵasy, aqyn Rafıs Kýrbanov, Ázerbaıjan Jazýshylar odaǵy basqarmasy tóraǵasynyń orynbasary Ilgar Pashaev, Tájikstannyń halyq jazýshysy Mýmın Kanoat, Bashqurtstan Jazýshylar odaǵy tóraǵasynyń orynbasary Spartak Ilıasov, Qytaı Halyq Respýblıkasy Etnıkalyq tobynyń Bas dırektory Iý Bınshı arnaıy kelip, shyǵarmashylyq uıymyna quttyqtaýlaryn jetkizdi.