Qazaqstan jaýyngerleri BUU-nyń eń qaýipsiz mıssııalaryna jiberiledi

ASTANA. QazAqparat - Májilistegi Úkimet saǵatynda QR Syrtqy ister mınıstri Qaırat Ábdirahmanov qazaqstandyq jaýyngerlerdi jiberý úshin BUU-nyń eń qaýipsiz mıssııalaryn tańdaýǵa ýáde berdi, dep habarlaıdy QazAqparat.

«BUU mıssııalaryna qatysý máselelerin qarastyrý kezinde bizdiń jaýyngerlerdiń qaýipsizdigi sekildi mańyzdy faktordy eskeretinimizdi atap ótken jón. ıAǵnı biz eń qaýipsiz mıssııalardy tańdaıtyn bolamyz. Árıne, zańnamaǵa sáıkes, barlyq atalǵan jumystar Parlamentpen ózara tyǵyz is-qımylda júzege asyrylady»,-dedi mınıstr.

Osy oraıda ol Parlament mandatyna sáıkes, BUU mıssııalaryna qazaqstandyq áskerı baıqaýshylardy baǵyttaý tájirıbesi 2014 jyly bastalǵanyn eske salyp ótti. Sonyń qatarynda batys Saharadaǵy referendým barysyn baıqaý boıynsha BUU mıssııasy, sondaı-aq Kot-de'Ivýardaǵy sharalar qamtylyp otyr. Osylarda 11 adam óz qyzmetin atqardy. Qazirgi ýaqytta batys Saharada tórt baıqaýshy qyzmetin jalǵastyrýda.

«Atap aıtqanda bul baǵytta quqyqtyq baza quryldy. 2015 jyly bitimgerlik qyzmet týraly zańnama qabyldandy. Bul sharalar óte mańyzdy kezeńde iske asyryldy, ıaǵnı BUU Qaýipsizdik Keńesine saılaý boıynsha bizdiń kampanııa kezinde atqarylǵan edi», - dedi QR SІM basshysy.

Esterińizge sala keteıik, 2017 jylǵy 1 qańtardan bastap Qazaqstan aldaǵy eki jyldyq kezeńge Birikken Ulttar Uıymynyń Qaýipsizdik Keńesiniń turaqty emes múshesi retinde óz jumysyn bastady.