Qazaqstan jasyl ekonomıkanyń paıdasy men zııanyn aıqyndap aldy - G.Vaıs

ASTANA. QazAqparat - Qazaqstan jasyl ekonomıkanyń plıýsi men mınýsyn aıqyndap alǵan el. Búgin Astana ekonomıkalyq forýmynyń «Jasyl ekonomıka: áleýmettik ınnovatsııalar, ekonomıkalyq ósý jáne ekologııa» atty paneldik sessııasy asha otyryp, «Jasyl ekonomıka úlgisine kóshý úshin Qazaqstandy qoldaý» Eýropalyq odaq/BUU Damý baǵdarlamasy men Aýyl sharýashylyǵy mınıstrliginiń birlesken jobasynyń bas tehnıkalyq keńesshisi Genrı Vaıs osyndaı oıyn jetkizdi.

«Qazaqstan batyl qadam jasady. Bul el jasyl ekonomıkanyń plıýsi men mınýstaryn aıqyndap aldy. Jáne de sol úshin tıisti reformalardy ázirlep, olardy qabyldaı bastady», - dedi G.Vaıs.

Ol búgingi paneldik sessııa barysynda jasyl ekolnomıka qandaı dúnıelerge kepildik bere alatynyn, ol ekonomıkalyq ósimdi qamtamasyz ete ala ma degen máseleler talqylanatyn atap ótti.

«Qazaqstannyń jańa ekonomıkalyq ahýalyna qaraı otyryp, jasyl ekonomıka men jasyl ekonomıkalyq ósim tujyrymdamalaryn iske asyrýǵa múmkindik beretin salalardy aıqyndap alý kerek», - dedi G.Vaıs.