Qazaqstan jastyq shyryny óndirisi esebinen mıllıardtaǵan dollar paıda taba alady
ASTANA. QazAqparat - Astanada turatyn agronom Elena Sýslova naǵyz jastyq shyryny - kúzgi bıdaıdyń jas óskini óndirisiniń esebinen mıllıondaǵan dollar tabysqa kenele alady, dep sanaıdy. Kúnine bir staqan bıdaı shyryny adamnyń aǵzasyn bir jylǵa jasartady, dep jazady «Ekspress K».
Daqyldyń alǵashqy butaqtary óse bastaǵan kezde shópti túbinen kesedi. Sodan keıin ony jýyp, shyryn syǵatyn qurylǵydan ótkizedi. Qoıý jasyl sýsyn bolyp shyǵady. Túsiniń ózi adamdy baýraıdy, al ıisinen bas aınalady. Sýsyn quramynda qýatty antıoksıdant kózi bar.
«Árbir adam bul butaqtardy úı jaǵdaıynda ósire alady, - deıdi Elena Sýslova. - Biraq qala turǵyny úshin bir aı ýaqyt qajet».
Japonııada osyndaı ónimdi - bıdaı óskininen qurǵaq untaqty qazirdiń ózinde shyǵarady. Alaıda onyń quny arzan emes, onyń ústine keptirilgennen keıin onyń emdik jáne jasartý qasıetteri joǵalady. Elena Sýslovanyń pikirinshe, Qazaqstanda osy tabıǵı ónimdi óndirýge tolyq múmkindik bar. «Bir staqan shyryndy iship alǵannan keıin uıqy basý joǵalady, tábetiń kóterilip, kóńil-kúıiń jaqsarady, kúni boıy ózińdi sergek sezinesiń jáne án salǵyń keledi, - dep pikirimen bólisedi Elena. - Áıelder men erlerde jynystyq qushtarlyq paıda bolady. Bir staqan shyryn ishkennen keıin men tipti 10 shaqyrymdyq qashyqtyqqa júgire alamyn».
