Qazaqstan jastarynyń kongresi QR Prezıdentiniń kezekten tys saılaýyn qoldap vıdeoúndeý joldaıdy
Osyǵan baılanysty «Qazaqstan jastarynyń kongresi» qaýymdastyq nysanyndaǵy zańdy tulǵalar birlestiginiń bastamasy boıynsha QR Prezıdentiniń kezekten tys saılaýyn qoldaý týraly halyqqa vıdeoúndeý jarııalanbaq.
Vıdeoúndeýge Aıdyn Jumahan - «Alar» tobynyń solısti, Tohtar Bolysov - «Qazaqstan jastary kongresi» birlestiginiń atqarýshy dırektory, Varlamova Tatıana - Nur-Sultan qalasy «Nazarbaev Zııatkerlik mektebi» dırektorynyń orynbasary, Tilektes Adambekov - «Eurasia Blockchain Fintech Gpour Limited» kompanııasynyń dırektory, Gúlmıra Shamshetova - jedel medıtsınalyq járdem qyzmetiniń feldsheri, Baýyrjan Rasýl - 6 jastaǵy akter túsken.
Vıdeoúndeý áleýmettik jelilerdegi uıymnyń resmı paraqshalarynda, qaýymdastyq músheleriniń paraqshalaryna jáne iri pablıkterde jarııalanatyn bolady, sondaı-aq telearnalarda kórsetilmek.
Qaýymdastyqtyń málimdeýinshe, saılaý bizdiń memleketimizdiń demokratııalyq negizi retinde jastar úshin qoǵamdyq-saıası jáne áleýmettik-ekonomıkalyq mindetterdi sheshýdiń negizgi tásili bolyp tabylýy tıis.
Jastardyń saılaýǵa qatysýy azamattyq jetilýdiń, áleýmettik jaýapkershilik pen patrıotızmniń kórsetkishi. Jastar saılaýǵa barynsha belsendi túrde qatysyp, daýys berýge ǵana emes, elimizdiń memlekettik saıasatyn damytýǵa qatysý múmkindigine ıe bolýy kerek.
