Qazaqstan jastarynyń elordany quttyqtaýlaryn el kartasy aıasyna toptastyrý sharasy ótedi
Elorda kúni merekesine oraı elimizdiń árbir turǵyny astanaǵa degen shynaıy quttyqtaýlaryn, jyly lebizderin bildirýge múmkindik aldy. Bul shara «Birligimiz jarasqan!» aqparattyq áleýmettik naýqan aıasynda QR Bilim jáne ǵylym mınıstrliginiń qoldaýymen «Astanaǵa tilek» respýblıkalyq jastar aktsııasy aýqymynda múmkin bolyp otyr.
Aktsııanyń negizgi maqsaty - elordamyz Astanaǵa búkil Qazaqstan jastary ózderiniń mahabbatyn, qurmetin bildirýge múmkindik berý. Osyǵan oraı Qazaqstannyń barlyq 14 oblysyna óńirdiń sáıkes keskini bar mata jiberilgen bolatyn. Osy matany alǵannan keıin aımaq sheneýnikteri jastar uıymdary kóshbasshylarymen birlesip, ony qalanyń adam kóp jınalatyn jerlerine ornalastyrdy. Oǵan barlyq nıet tanytqan azamattar ózderiniń astanaǵa degen izgi tilekterin jazǵan bolatyn.
Atalǵan quttyqtaýlardy el kartasyna toptastyrý rásimine QR Bilim jáne ǵylym vıtse-mınıstri Mahmetqalı Sarybekov qatysyp, Qazaqstan jastaryn Astananyń 12 jyldyq merekesimen quttyqtaıdy.
Quramaly-jınamaly kompozıtsııa 14 jeke bólikten turady. Onyń jalpy uzyndyǵy 6 metr, bıiktigi 3,5 metrdi quraıdy. Merekelik kún aıaqtalǵannan keıin atalǵan karta «Atameken» etnomemorıaldyq kesheniniń eń kórnekti jerine qoıylady.
